saec. XVI. (1595)
- Sicut ordo est in rebus superiorum et inferiorum, quorum illa influunt et communicant, ista vero participant et imbibunt, cumque versus supernam regionem intendatur lux intelligentiae et universalis cognitionis, emanatio istius est versus partes inferiores defluens; unde vis cognoscendi elargita est sub titulo potentiae activae et communicativae a caussis superioribus tanto efficacius, quanto etiam simplicius accipitur. Subiecta vero inferiora, quanto magis a superioribus naturae gradibus recedunt, tanto turbatiore, confusiore et imperfectiore ratione cognoscunt, ut et a lucis regione longius recedunt. —Summa terminorum metaphysicorum Iordani Bruni [1][2]
saec. XVIII. (1714 p.C.n.)
- Dicto efferendo funeri die, eadem paratur pompa, quae, dum in vivis erat, exeuntem comitari consueverat. Praecedunt clerici hymnos sepulchrales orientali ecclesiae usitatos accinentes, a lateribus eum stipant copiae, inversis tamen vexillis et armis. Omnes tristitiam vultu et habitu corporis prae se ferentes, cuius speciem ipsis etiam equis communicant, e quorum oculis lacrymas elicere cepae succo didicerunt. —Descriptio Moldaviae Demetrii Cantemir [3][2]
