Discretiva

  sequi dictio est in variis linguis:

Formae affines +/-

Latine +/-

Proprietates grammaticales +/-
Forma Persona Tempus Vox Modus Verbum
sequī
praesens activa infinitivus sequor

Appellatio +/-

 API: /ˈsekwiː/(classice)
Syllabificatio phonetica: se·quī — morphologica: sequ-i

Loci +/-

M. Tullius Cicero
-106…-43
Marcus Terentius Varro
-116…-27
Titus Livius
-58…+17
Vitruvius
ca. -30/-22
Lucius Annaeus Seneca
-3/+65
Petronius Arbiter
ca. 14-66
C. Plinius Secundus
23-79
Marcus Valerius Martialis
40-103
P. Cornelius Tacitus
ca. 55-117
Apuleius
ca. 125-170
Hildegardis Bingensis
1098-1179
Franciscus Petrarca
1304-1374
Ulco Cats Bussemaker
1810–1865
class.class.class.class.IIIIIIIIXIIXIVXIX

Latinitas Romana

class.

  • Nam et ex horreis direptum effusumque frumentum vias omnis angiportusque constraverat, et naves subito perterriti metu conscendistis, et noctu ad oppidum respicientes flagrantis onerarias quas incenderant milites, quia sequi noluerant, videbatis; postremo a Rhodia classe deserti verum vatem fuisse sensistis. —De divinatione Ciceronis [1][2]

class. (opus 47-45 a.C.n.)

  • Et si proportione essent verba, ut uno vocabulo dicimus virum et mulierem sapientem et diligentem et sapientiorem et diligentiorem, sic diceremus item, cum pervenissemus ad summum, quod nunc facimus aliter: nam virum dicimus sapientissimum et diligentissimum, feminam sapientissimam et diligentissimam. Quod ad vocabulorum huius generis exempla pertinet, multa sunt reliqua; sed ea quae dicta, ad iudicandum satis sunt, quor analogias in collatione verborum sequi non debeamus. —De lingua Latina Varronis [3]

class.

  • Hispanos et Afros et omne veterani robur exercitus admixtis ipsorum impedimentis, necubi consistere coactis necessaria ad usus deessent, primos ire iussit, sequi Gallos, ut id agminis medium esset, novissimos ire equites, Magonem inde cum expeditis Numidis cogere agmen, maxime Gallos, si taedio laboris longaeque viae, ut est mollis ad talia gens, dilaberentur aut subsisterent, cohibentem. —Ab urbe condita Titi Livii [4]

class.

  • Nec tamen in omnibus theatris symmetriae ad omnes rationes et effectus possunt respondere, sed oportet architectum animadvertere, quibus proportionibus necesse sit sequi symmetriam et quibus ad loci naturam aut magnitudinem operis temperari. —De architectura Vitruvii [5]

saec. I.

  • Democritus ait, cum in angusto inani multa sint corpuscula, quae ille atomos vocat, sequi ventum; at contra quietum et placidum aeris statum esse, cum in multo inani pauca sint corpuscula. —Naturales quaestiones Senecae [6]

saec. I.

  • Amicimur ergo diligenter obliti omnium malorum, et Gitona libentissime servile officium tuentem usque hoc iubemus in balnea sequi. —Satyricon T. Petronii Arbitri [7]

saec. I.

  • eadem in Lycia Hephaesti montes taeda flammante tacti flagrant, et adeo ut lapides quoque rivorum et harenae in ipsis aquis ardeant, aliturque ignis ille pluviis; baculo si quis ex iis accenso traxerit sulcum, rivos ignium sequi narrant. flagrat in Bactris Cophanti noctibus vertex. —Naturalis historia Plinii [8]

saec. I.

  • Unice, cognato iunctum mihi sanguine nomen
Qui geris et studio corda propinqua meis;
Carmina cum facias soli cedentia fratri,
Pectore non minor es, sed pietate prior.
Lesbia cum lepido te posset amare Catullo,
Te post Nasonem blanda Corinna sequi.
Nec deerant zephyri, si te dare vela iuvaret;
Sed tu litus amas. Hoc quoque fratris habes. —Epigrammata M. Valerii Martialis [9]

Latinitas postclassica

saec. II. (opus ca. 105-110)

  • Inferioris tamen Germaniae legiones sollemni kalendarum Ianuariarum sacramento pro Galba adactae, multa cunctatione et raris primorum ordinum vocibus, ceteri silentio proximi cuiusque audaciam expectantes, insita mortalibus natura, propere sequi quae piget inchoare. —Historiae P. Cornelii Taciti [10]

saec. II.

  • Ac dum trepidi religionis urguemur gravi tumultu et instantis periculi metu terremur ad fugam nec vel sequi propere vel remanere tuto potest vir sublimis animi virtutisque praecipuus, multis nos adfatibus multisque precibus querens adhortatur per dexteram Martis per fidem sacramenti bonum commilitonem cruciatu simul et captivitate liberaremus. —Metamorphoseon libri XI Apulei [11]

Latinitas mediaevalis

saec. XII.

  • Quia sicut venae cordis, iecoris et pulmonis, ad receptionem vel emissionem ciborum stomacho subveniunt, et eidem stomacho continua vel nimia repletio aut exinanitio obessent; ita et anima corpori quidem in quibusque operibus adest, sed eam taederet, si corpus ipsum desideria carnis semper sequi permitteret. —Liber divinorum operum simplicis hominis Hildegardis [12]

Latinitas humanistica

saec. XIV.

  • Proinde quid tu teneas videris; si me sequi voles, expectabis equaminis et tranquillus, non quid astra de te sed astrorum creator ac regnator sanxerit, agens aliquid in dies ardentius, quo illius amore fias dignior. —De remediis utriusque fortune Petrarcae [13]

Latinitas nova

saec. XIX.

  • Perspicuum autem est non esse verum, si ens significet unum, et contradictio simul esse nequeat, sequi ut nullum non ens sit: nihil enim vetat, sumi non ens, quod non simpliciter sit non ens, sed non ens quiddam. —Aristotelis Physica Bussemakeri [14]

Fontes

  1. 1.0 1.1 Marcus Tullius Cicero - De divinatione. (The Latin Library): Liber primus. 32 [69] — sequi
  2. 2.0 2.1 Vicicitatio: sequi.
  3. Marcus Terentius Varro - De lingua Latina. Liber octavus p. 78 — sequi
  4. Titus Livius - Ab urbe condita - libri CXLII. (The Latin Library): Liber XXII, caput 2, [3] — sequi
  5. 5.0 5.1 De architectura libri decem Vitruvii, (F. Krohn, Lipsiae 1912). Bibliotheca Augustana. Liber quintus, 6. [7] — sequi
  6. 6.0 6.1 Lucius Annaeus Seneca - Naturales quaestiones. (The Latin Library):  Tomus / Liber 5. 2, versus 1 — sequi
  7. 7.0 7.1 T. Petronius Arbiter, Satyricon - quae supersunt (apud Guilielmum Vande Water, Trajecti ad Rhenum MDCCIX). Cap. XXVI. — sequi
  8. 8.0 8.1 Gaius Plinius Secundus, Naturalis historiae libri XXXVII. (Teubner, Lipsiae 1892-1909). Bibliotheca Augustana: Liber secundus, cap. 110, [236] — sequi
  9. 9.0 9.1 Marcus Valerius Martialis - Epigrammata. (Bibliotheca Augustana): Liber duodecimus. XLIV, versus 6 — sequi
  10. 10.0 10.1 Publius Cornelius Tacitus - Historiarum libri XIV. (The Latin Library): Liber I.  [55] — sequi
  11. 11.0 11.1 Apuleius - Metamorphoseon libri XI. (Bibliotheca Augustana): Liber IV. Capitulum XI. Versus 4 — sequi
  12. 12.0 12.1 Hildegardis Bingensis - Liber divinorum operum simplicis hominis. Patrologia Latina, J.-P. Migne. Parisiis 1882, Tomus CXCVII. (Universitas Turicensis): Pars prima. Visio quarta, LXXIII — sequi
  13. 13.0 13.1 Franciscus Petrarca (Italice: Francesco Petrarca) - De remediis utriusque fortune. (Universitas Turicensis): Liber I. 112: [De promissis aruspicum omnibusque somniis] — sequi
  14. 14.0 14.1 Ulco Cats Bussemaker, Aristotelis Physica. Aristotelis Naturalis Auscultatio Libri VIII, Firmin Didot, Paris 1854. (Universitas Turicensis): Liber I, capitulum III, [10] — sequi